ALIYEZUSHIWA KIFO NA KUFUFULIWA HUYU HAPA

HIVI KARIBUNI KULIIBULIWA SUALA KUWA MWANAMKE ALIYEKUWA AMEKUFA MIAKA 12 ILIYOPITA AMEFUFULIWA NA KANISA MOJA JIJINI MWANZA JAMBO AMBALO SIO KWELI KUTOKANA NA UCHUNGUZI WA MTANDAO HUU WA www.msasawawiki.blogspot.com

MWANAMKE HUYO ALIYETAJWA KWA JINA LA MUHAYA EDWARD JINA LAKE HALISI NI JOYCE GALEBA MTAHINGILWA NA NI MKAZI WA KIJIJI CHA NYAKAGOMBA TARAFA YA BUTUNDWE KATIKA MKOA MPYA WA GEITA NA SIO MKAZI WA KIJIJI CHA ILENZA JIMBO LA BUCHOSA WILAYANI SENGEREMA KAMA ILIVYODAIWA NA DHEHEBU HUSIKA

KATIKA KIPINDI KILICHORUSHWA NA TELEVISHENI MOJA NCHINI TAREHE 11 MWEZI AUGUST KIONGOZI MKUU WA KANISA HILO ALITANGAZA KUWA KANISA LAKE LIMEMFUFUA MWANAMKE ALIYEKUWA AMEKUFA TANGU MWAKA 1999 HUKO IRENZA-SENGEREMA IKIDAIWA KUWA MWANAMKE HUYO ALIZALIWA MWAKA 1979 JAMBO AMBALO MTANDAO HUU UMEBAINI KUWA UZUSHI

MWANDISHI WA MTANDAO HUU WA www.msasawawiki.blogspot.com ALIFUNGA SAFARI HADI KATIKA KIJI CHA IRENZA NA KUFANYA MAHOJIANO NA WAZAZI WALIODAIWA KUWA YULE NDIYE MTOTO WAO ALIYEFUFUKA AMBAO BADAYE WALIKUBALI KWAMBA HAKUWA MTOTO WAO KWANI WALIMFANANISHA

PIA UONGOZI WA SERIKALI YA KIJIJI HICHO UKASEMA KUWA MWANAMKE ALIYEDAIWA KUFUFUKA HAKUWA MKAZI WA KIJIJI CHAO KWANI ALIJITOKEZA MIEZI MITATU KABLA YA KUDAIWA KUFUFUKA NA ALIKUWA AKIONEKANA LAKINI PIA HATA SURA NA UMRI WA YULE ALIYEKUFA HAVISHABIHIANI

BAADA YA KUTOKA WILAYANI SENGEREMA MTANDAO HUU UKAFUNGA SAFARI NYINGINE HADI NYAKAGOMBA MKOANI GEITA NA KUKUTANA NA WAZAZI HALISI WA MTOTO HUYO,UONGOZI WA KIJIJI HICHO,MGANGA ANAYEMTIBU MTOTO HUYO ANAYESUMBULIWA NA MATATIZO YA AKILI,VIONGOZI WA KIKRISTO,WANAFUNZI WALIOSOMA NA BINTI HUYO NA NDUGU WENGINE AMBAO WAKAKANUSHA TAARIFA ZA MSICHANA HUYO KUFA NA KUFUFUKA

WAMESEMA BINTI HUYO ALIZALIWA MWAKA 1986 NA SIO 1979,ALIHITIMU ELIMU YA MSINGI MWAKA 2002 NA BAADAYE AKAOLEWA NA KUJIFUNGUA MTOTO WA KIUME KABLA YA KUPATWA NA TATIZO LA AKILI NA KISHA MTOTO WAKE AKAFA NA BAADAYE AKAZIDI KUCHANGANYIKIWA KISHA AKATOROKA KIJIJINI KWAO NA KUJIKUTA AKIFIKA IRENZA NA KUISHI KWA MIEZI MITATU KABLA YA KUZUSHIWA KIFO NA KUFUFULIWA

AIDHA WAMEFAFANUA KUWA BINTI HUYO AMEPOTEA KIJIJINI KWAO MIAKA MIWILI ILIYOPITA NA SIO MIAKA 12 HUKU WAKIONESHA KUSIKITISHWA NA TAARIFA ZA UDHARIRISHA ZILIZOSAMBAA KUPITIA TELEVISHENI HIYO NA VIPEPERUSHI NA MABANGO YANAYOENDELEA KUSAMBAZWA MKOANI MWANZA NA MAENEO JIRANI

SAFARI YANGU YA GEITA ILIANZIA HAPA

JOYCE GALEBA MTAHINGILWA ALIYEDAIWA KUFA NA KUFUFUKA

JOYCE AKIWA NA BABA YAKE KULIA NA M-KITI KIJIJI

AKIWA NA BABA NA MGANGA ANAYEMTIBU KULIA



















HIKI CHETI CHAKE CHA DARASA LA SABA

HATA HIVYO LICHA YA MTANDAO HUU KUIBUA UKWELI WA TUKIO HILO,WALIODAI KUMFUFUA MWANAMKE HUYO WANAENDELEA KUSISITIZA KUWA WAO WAMEFANYA UFUFUO HUO