HIZI NDIZO TAARIFA ZETU ZA HABARI
TAARIFA YA HABARI TAREHE 06-07-2011
RIYADH VIFO 09:00PM
TAKRIBAN WATU 200 WAMEFARIKI DUNIA KATIKA BAHARI YA SHAM WAKATI BOTI LILOKUWA LIMEBEBA WAHAMIAJI HARAMU KUELEKEA SAUDIA ARABIA LILIPOZAMA KATIKA PWANI YA SUDAN, SHIRIKA LA HABARI LA SUDAN LINASEMA.
KITUO CHA HABARI CHA SUDAN, KINACHOFAHAMIKA KUWA NA UHUSIANO WA KARIBU NA SERIKALI YA NCHI HIO, KINASEMA KUWA WATU WATATU PEKEE WALINUSURIKA.
BOTI LILIWAKA MOTO,NA NDANI KULIKUWA NA WATU WALIOKUWA WANATAKA KUINGIA SAUDI ARABIA KUTUMIA NJIA HARAMU, SHIRIKA HILO LILISEMA KATIKA TAARIFA YAKE.
WANASEMA WAHAMIAJI HAO WALIKUWA WANATOKA NCHI ZINAZOPAKANA NA SUDAN lakini HAIJAFAHAMIKA SAFARI YAO ILIPOANZIA
BAHARI YA SHAM NI NJIA INAYOFAHAMIKA KUPITISHA WAHAMIAJI HARAMU WANAOKWENDA SAUDI ARABIA NA YEMEN.
06/07/2011
MWANZA VURUGU 09:00PM
WATU SABA WAMEJERUHIWA KUTOKANA NA MAANDAMANO YALIYOFANYWA NA WAFANYABIASHARA WADOGO MAARUFU KAMA WAMACHINGA WAKIPINGA KUFUKUZWA KATIKA MAENEO YA MSIKITI WA WAHINDI WALIPOKUWA WAKIFANYIA BIASHARA ZAO
VURUGU HIZO ZIMEDUMU KWA MUDA WA SAA NANE
AKIONGEA NA WAANDISHI WA HABARI MEYA WA JIJI LA MWANZA BWANA JOSEPHAT MANYERERE AMEWATAJA WALIOJERUHIWA KUWA NI OMARY ABDALLAH NA KELVIN JEREMIA AMBAO WAMELAZWA KATIKA HOSPITALI YA MKOA SEKOU TOURE
WENGINE NI JUMA MACHUMU ALIYEJERUHIWA KICHWANI NA HALI YAKE SI NZURI,BRAYAN PASTORY AMEJERUHIWA MKONONI,KULWA JOHN ALIYEJERUHIWA BEGANI,DOTTO THOMAS AMEJERUHIWA KICHWANI PAMOJA NA MEDARD BENARD ALIYEJERUHIWA MKONONI NA KWAMBA WOTE WAMELAZWA KATIKA HOSPITALI YA RUFAA BUGANDO
BWANA MANYERERE AMESEMA KUWA OFISI YA MEYA HAIKUWA NA TAARIFA KUHUSU OPARESHENI HIYO YA KUONDOA WAFANYABIASHARA WADOGO AKIDAI KUWA OFISI YA MKURUGENZI WA JIJI, OFISI YA MKUU WA MKOA NA OFISI YA MKUU WA WILAYA NDIZO ZILIZOKUWA NA TAARIFA
AMEWATAKA WAFANYABIASHARA HAO KUFANYA BIASHARA KATIKA MAENEO YALIYOPANGWA HADI UONGOZI WA JIJI UTAKAPOKAA ILI KUJADILIANA KURUHUSU MAENEO YA KUFANYIA BIASHARA
06/07/2011 VURUGU -2 09:00PM
AKIZUNGUMZA KUHUSU VURUGU HIZO MWENYEKITI WA WAMACHINGA MKOA WA MWANZA AMESEMA KUWA HALI HIYO IMETOKANA NA MKANGANYIKO BAINA YA VIONGOZI HUKU AKIDAI KUWA MBUNGE WA NYAMAGANA MHESHIMIWA EZEKIEL WENJE AMEWAMBIA WAENDELEE KUFANYA BIASHARA ZAO KATIKA ENEO LA MAKOROBOI
[M/KITI WAMACHINGA]
NAYE MMILIKI WA DUKA LA VIFAA VYA UMEME WA JUA LA ZALA SOLAR AMEELEZA NAMNA WAANDAMANAJI WALIVYOMVAMIA NA KUPORA MALI ZAKE HUKU AKIPENDEKEZA UWANJA WA NYAMAGANA UTUMIKE KUFANYIA BIASHARA
[PARPIA]
MKUU WA MKOA WA MWANZA BWANA ABASS KANDORO AMEWATAKA WAFANYABIASHARA KUFUATA TARATIBU ZA MIJI NA MAJIJI ILI KUEPUKA MIGOGORO YA NAMNA HIYO
[KANDORO]
KWA UPANDE WAKE KAMANDA WA POLISI MKOA WA MWANZA KAMANDA SIMON SIRRO AMESEMA KUWA VURUGU ZIMETOKANA KUTOKUELEWANA KWA UONGOZI WA JIJI NA WAFANYABIASHARA
AWALI BWANA SIRO ALIELEZA TAARIFA ZA MAPEMA ALIKUWA AMEPATA KUTOKA ENEO LA TUKIO HUKU AKIFAFANUA KUWA HAKUNA ALIYEPIGWA RISASI NA POLISI KWA KUWA JESHI LAKE LINA MBINU ZA KUKABILIANA NA VIBAKA BILA KUTUMIA RISASI ZA MOTO
[SIRRO]
FAUSTINE&SEIF/SEIF.
06/07/2011
MWANZA UKIMWI 09:00PM
WITO UMETOLEWA KWA WANANCHI JIJINI MWANZA KUJITOKEZA KWA WINGI KATIKA UPIMAJI WA VIRUSI VYA UKIMWI KWA HIARI MARA KWA MARA ILI KUJUA AFYA ZAO NA KUPATA TIBA YA MAGONJWA NYEMELEZI MAPEMA PAMOJA NA DAWA ZA KUFUBAZA MAKALI YA VIRUSI HIVYO.
WITO HUO UMETOLEWA NA BI STELLA AMBAYE NI MMOJA WA WAHAMASISHAJI WA UPIMAJI WA VIRUSI VYA UKIMWI KWA HIARI ALIPOKUWA AKIZUNGUMZA NA KWA NEEMA FM RADIO KATIKA VIWANJA WA LINE POLISI MABATINI JIJINI MWANZA.
AMEJITAJA CHANGAMOTO WANAZOKUMBANA NAZO KUWA NI PAMOJA NA WOGA WA BAADHI YA WATU JUU YA UPIMAJI WA VIRUSI VYA UKIMWI PAMOJA NA KUKIMBIA MAJIBU KWA BAADHI YA WATU BAADA YA KUPIMA.
AMEONGEZA KUWA BAADHI YA WATU WAMEKUWA WAKIHOFIA KUPIMA AFYA ZAO KWA MADAI YA KUNYANYAPALIWA NA JAMII BAADA YA KUGUNDULIKA KUWA WAMEATHIRIKA NA UKIMWI
MARIA/SEIF.
06/07/2011
MOGADISHU SHAABAB 09:00PM
KUNDI LA AL-SHABAAB LIMETANGAZA KUWA LITARUHUSU MASHIRIKA YA KUTOA MISAADA KUSAMBAZA VYAKULA NCHINI SOMALIA.
AL-SHABAAB WALIPIGA MARUFUKU HUDUMA HIZO ZA MASHIRIKA YA KIMATAIFA MWAKA WA 2009 WAKIDAI KUWA NIA YAO ILIKUWA KUHUJUMU WAISLAMU.
MSEMAJI WA KUNDI HILO SHEIKH MOHAMMED ALI RAGE AMESEMA WATAANZISHA MAZUNGUMZO NA MASHIRIKA HAYO KUONA KUWA YANARUDI KUSAIDIA WASOMALI WALIOATHIRIKA NA UKAME.
MASHIRIKA YA KUTOA MISAADA YAMESEMA SOMALIA INASHUHUDIA KIPINDI KIBAYA ZAIDI CHA UKAME, HALI ILIOTOKEA MARA YA MWISHO MIAKA 60 ILIOPITA.
KIONGOZI HUYO WA AL SHABAAB, KUNDI AMBALO LINAPINGA SERIKALI YA MPITO YA SOMALIA AMESEMA MASHIRIKA YOTE SASA ATA IKIWA SIO YA WAISLAMU YANARUHUSIWA KUSAIDA RAIA WA NCHI HIYO.
KUNDI HILO AMBALO PIA LINA UHUSIANO NA MTANDAO WA MAGAIDI WA AL QAEDA, LILIPIGA MARUFUKU MASHIRIKA HAYO YAKISEMA KUWA MENGINE YALIKUWA YANAENDESHA HARAKATI ZA UJASUSI KWA MALENGO YAKULIANGAMIZA.
KATIKA SIKU ZA KARIBUNI, AL SHABAAB WAMEPOTEZA USHAWISHI WAO NCHINI SOMALIA NA HASAA MJINI MOGADISHU KWENYE NGOME YAO KUFUATIA MAKABILIANO MAKALI NA WANAJESHI WA SERIKALI YA MPITO WAKIUNGWA MKONO NA WALE WA UMOJA WA AFRIKA.
WADADISI WANASEMA UAMUZI HUO HUENDA UMECHOCHEWA NA HALI HIYO YA KUNDI HILO KUPOTEZA UMAARUFU WAO NA PIA TAARIFA ZA KUWA MAELFU YA RAIA WA SOMALIA WANAKIMBILIA KENYA BAADA YA KUKABILIWA NA BAA LA NJAA.
AL-SHABAAB, WADADISI WANASEMA HUENDA WAMEAIBISHWA NA TAARIFA HIZO NA WANAJARIBU KUJITAKASA.
TAKWIMU ZA UMOJA WA MATAIFA NA MASHIRIKA MENGINE YA KUTOA MISAADA ZINAONYESHA KUWA YAMKINI WATU ELFU MOJA NA MIA NNE WANAINGIA KENYA KILA SIKU KUTOKA SOMALIA.
WENGI WAO WAMEPEWA HIFADHI KATIKA KAMBI YA WAKIMBIZI YA DADAAB ILIOKO KASKAZINI MASHARIKI MWA KENYA.
06/07/2011
ABUJA BOKO 09:00PM
MLIPUKO NA UFYATULIANAJI RISASI UMESIKIKA KASKAZINI MWA NIGERIA KATIKA MJI WA MAIDUGURI-NGOME YA WANAMGAMBO WA KIISLAMU WA BOKO HARAM.
KWA MUJIBU WA MAAFISA WA JESHI, WAPIGANAJI WA BOKO HARAM WALIURUSHIA BOMU MSAFARA WA JESHI NA KUWAJERUHI MAAFISA WATATU.
BAADAE WANAJESHI NAO WALIKABILIANA NA WANAMGAMBO HAO KWA BUNDUKI KATIKATI MWA MJI WA MAIDUGURI.
WAPIGANAJI HAO WA BOKO HARAM WAMESEMA WANAPIGANIA UTAWALA WA KIISLAMU NA VILE VILE WANAFANYA KAMPEINI KUPINGA SHUGHULI ZOTE ZENYE UHUSIANO NA MATAIFA YA MAGHARIBI.
WATU WASIOPUNGUA 40 WAMEUAWA MJINI MAIDUGURI KATIKA KIPINDI CHA SIKU KUMI ZILIZOPITA, MAUWAJI HAYO YAMEHUSISHWA NA WANAMGAMBO HAO WA BOKO HARAM.
06/07/2011
NEW YORK AL QAEDA 09:00PM
RAIA MMOJA WA KISOMALI AMEFIKISHWA MAHAKAMA YA KIRAIA MJINI NEW YORK, AKISHTAKIWA KUSHIRIKIANA NA AL-QAEDA NA WAPIGANAJI KUTOKA KUNDI LA KISOMALI LA AL-SHABAB.
ILIONEKANA KUWA AHMED ABDULKADIR WARSAME ALISHIKILIWA KWENYE MELI YA KIVITA YA MAREKANI KWA MIEZI MIWILI BAADA YA KUKAMATWA KWENYE GHUBA YA ADEN.
MAAFISA WALISEMA BWANA WARSAME HAKUSOMEWA HAKI ZAKE ZA KISHERIA ALIPOKUWA KIZUIZINI.
BWANA WARSAME, ALIYEKANA MASHTAKA, NI MSHUKIWA WA KWANZA KUTOKA NCHI YA KIGENI KUSHTAKIWA KWA KOSA LA UGAIDI KUPELEKWA MAREKANI ILI KESI YAKE ISIKILIZWE.
AWALI WATUHUMIWA WALIKUWA WAKIPELEKWA GUANATANAMO BAY HUKO CUBA, LAKINI RAIS BARACK OBAMA AMEAHIDI KUFUNGA GEREZA HILO LENYE UTATA.
KESI HIYO NI ISHARA YA NAMNA AMBAVYO RAIS OBAMA ANADHAMIRIA KUWASHUGHULIKIA WASHUKIWA WALIOONDOLEWA GUANTANAMO.
06/07/2011 MUHTASARI 09:00PM
1:- WATU SABA WAMEJERUHIWA KUTOKANA NA MAANDAMANO YALIYOFANYWA NA WAFANYABIASHARA WADOGO MAARUFU KAMA WAMACHINGA WAKIPINGA KUFUKUZWA KATIKA MAENEO YA MSIKITI WA WAHINDI WALIPOKUWA WAKIFANYIA BIASHARA ZAO
2:- WITO UMETOLEWA KWA WANANCHI JIJINI MWANZA KUJITOKEZA KWA WINGI KATIKA UPIMAJI WA VIRUSI VYA UKIMWI KWA HIARI MARA KWA MARA ILI KUJUA AFYA ZAO NA KUPATA TIBA YA MAGONJWA NYEMELEZI MAPEMA PAMOJA NA DAWA ZA KUFUBAZA MAKALI YA VIRUSI HIVYO.
3:- TAKRIBAN WATU 200 WAMEFARIKI DUNIA KATIKA BAHARI YA SHAM WAKATI BOTI LILOKUWA LIMEBEBA WAHAMIAJI HARAMU KUELEKEA SAUDIA ARABIA LILIPOZAMA KATIKA PWANI YA SUDAN, SHIRIKA LA HABARI LA SUDAN LINASEMA.
4:- MLIPUKO NA UFYATULIANAJI RISASI UMESIKIKA KASKAZINI MWA NIGERIA KATIKA MJI WA MAIDUGURI-NGOME YA WANAMGAMBO WA KIISLAMU WA BOKO HARAM.
No comments: