NAIROBI WAANDAMANA

NAIROBI                             GESI                09:00PM

JESHI LA POLISI NCHINI KENYA LIMETUMIA GESI YA KUTOA MACHOZI KUTAWANYA MAMIA YA WAANDAMANAJI MJINI NAIROBI WAKIPINGA KUPANDA KWA BEI YA CHAKULA NA MAFUTA.

TAARIFA KUTOKA MJINI NAIROBI ZINASEMA KUWA UMATI HUO WA WATU ULIPITA KATIKATI YA JIJI UKIIMBA NYIMBO ZA KUKASHIFU WAKATI WAKIZUIA MTIRIRIKO WA MAGARI NA KUSABABISHA WENYE MADUKA KUYAFUNGA.

KUNA UHABA WA MAHINDI KATIKA UKANDA WA AFRIKA MASHARIKI KUTOKANA NA UKAME.

SERIKALI YA KENYA HIVI KARIBUNI ILIPUNGUZA KODI KUHUSU MAHINDI YANAYOAGIZWA KUTOKA NJE ILI KUEPUSHA KUPANDA KWA BEI.

WANAFUNZI KADHAA WA CHUO KIKUU NA WANAHARAKATI WA HAKI ZA BINADAMU WAMEKAMATWA WAKATI WA MAANDAMANO AMBAYO POLISI WAMESEMA KUWA YAMEFANYWA BILA KUFUATA UTARATIBU WA SHERIA SABABU HAWAKUOMBA RUHUSA KUANDAA MAANDAMANO

IMEELEZWA KUWA BAADHI YA WAANDAMANAJI WAMESOMA VIPENGELE KATIKA KATIBA MPYA VILIVYOONGEZEWA MWAKA JANA WAKIELEZEA HAKI YAO YA UHURU WA KUANDAMANA.

HATA HIVYO JUHUDI ZAO ZA KUFIKA KWENYE OFISI YA RAIS NA WAZIRI MKUU KUWASILISHA MALALAMIKO YAO ZILIKWAMA PALE POLISI WA KUZIA GHASIA WALIPOTUMIA GESI YA KUTOA MACHOZI NA MBWA KUWATAWANYA.

BEI YA HII LEO YA MFUKO WA KILO MBILI WA UNGA WA MAHINDI NI SAWA NA DOLA MBILI ZA MAREKANI AU PAUNI 1 NUKTA MBILI TANO ZA UINGEREZA.

BEI HIYO NI KUBWA KWA RAIA MILIONI 40 WA KENYA.

WAANDAMANAJI HAO PIA WAMEWATUHUMU WENYE VIWANDA VYA KUSAGA MAHINDI KWA KUHODHI MAHINDI ILI WAPANDISHE BEI

TAKRIBAN WATU MILIONI 12 KATIKA PEMBE YA AFRIKA WAMEKUMBWA NA UKAME AMBAO HAUJATOKEA KATIKA ENEO HILO KATIKA KIPINDI CHA MIAKA 60.

KENYA INAKABILIANA NA MFUMUKO WA BEI HUKU SARAFU YAKE IKIWA IMESHUKA HADI KULINGANISHWA NA DOLA YA MAREKANI.

07/07/2011

KHARTOUM                   BASHIR                      09:00PM

RAIS WA SUDAN KASKAZINI OMAR HASSAN AL BASHIR AMESEMA HATOSHIRIKI KATIKA MAZUNGUMZO YA AMANI YATAKAYOONGOZWA NA NCHI ZA KIGENI BAADA YA SUDAN KUSINI KUJITENGA NA KASKAZINI MWISHONI MWA WIKI.

HATA HIVYO AMESEMA ATAKWENDA SUDAN KUSINI WAKATI TAIFA HILO LITAKAPOTANGAZA UHURU WAKE NA KWAMBA ATAKUWA TAYARI KUWA NA UHUSIANO WA KIRAFIKI NA UPANDE HUO WA KUSINI ULIOKUWA HASIMU WAKE WAKATI WA  VITA VYA WENYEWE KWA WENYEWE.

RAIS BASHIR AMESEMA PANDE ZOTE MBILI KUSINI NA KASKAZINI ITABIDI ZIEPUKA KUINGILIANA KATIKA MASUALA YA NDANI.

SUDAN KUSINI YENYE UTAJIRI WA MAFUTA INAJIANDAA KUTANGAZA RASMI UHURU WAKE JUMAMOSI  BAADA YA RAIA WA NCHI HIYO KUAMUA KUPITIA KURA YA MAONI.

07/07/2011

DAMASCUS                       MGOMO                09:00PM

WANAHARAKATI  WA  UPINZANI  NCHINI  SYRIA  LEO  WAMETOA  WITO  WA KUFANYIKA  MGOMO  WA  NCHI  NZIMA  WAKATI  JESHI  LINARIPOTIWA KUUZINGIRA  MJI  MKUU  DAMASCUS.

WANAHARAKATI  HAO  WAMEHIMIZA KUSUSIWA  TAASISI  NA  BIASHARA  ZOTE  ZINAZOUNGA  MKONO  UTAWALA WA  RAIS BASHAR AL-ASSAD  KUTOKANA  NA   UKANDAMIZAJI  WA  KINYAMA WA  SERIKALI  YAKE  DHIDI  YA  WAANDAMANAJI  WANAODAI  DEMOKRASIA ZAIDI.

MAANDAMANO  YALIFANYIKA  JANA  USIKU  KATIKA   MIJI  KADHAA  YA SYRIA  KUWAUNGA  MKONO   WENZAO  KATIKA  MJI  WA  HAMA, AMBAO UMEKUWA  LENGO  LA  UKANDAMIZAJI  MKALI  WA  JESHI  LA  USALAMA  WIKI HII.

WAANDAMANAJI  WALIINGIA  MITAANI  KATIKA  MJI  WA  AL-HAJAR AL-ASWAD  KARIBU  NA  MJI  MKUU  DAMASCUS  PAMOJA  NA  KATIKA  JIMBO  LA MAGHARIBI  LA  HOMS WAKIDAI  KUSITISHWA  KWA  HATUA  YA   JESHI   NA POLISI  KUUZINGIRA  MJI  HUO  WA  HAMA. 

TAKRIBANI WATU  23  WAMEUAWA NA  WENGINE  45  WAMEJERUHIWA  KATIKA  MAPAMBANO  YA  SIKU  MBILI MJINI  HAMA  SEHEMU  ILIYOKUWA  KITOVU  CHA  UPINZANI  DHIDI  YA UTAWALA  WA  BASHAR AL-ASSAD  IJUMAA  ILIYOPITA.

KWA  MUJIBU  WA BAADHI  YA  MASHIRIKA  YA  KUTETEA   HAKI  ZA  BINADAMU  TAKRIBANI RAIA ELFU MOJA NA MIA TATU NA 93 PAMOJA  NA  WANAJESHI  348  WAMEUAWA   TANGU  UPINZANI DHIDI  YA  ASSAD   KUANZA  KATIKATI  YA  MWEZI  MARCH.

07/07/2011

KAMPALA                                 BIASHARA                    09:00PM

WAFANYA BIASHARA KATIKA MJI MKUU WA UGANDA, KAMPALA WAMEFUNGA MADUKA YAO KWA SIKU YA PILI MFULULIZO KULALAMIKIA KIWANGO CHA SARAFU YA NCHI HIYO KINACHOSHUKA KILA KUKICHA PAMOJA NA IDADI KUBWA YA WACHUUZI WENYE ASILI YA KICHINA.

WAUZA MADUKA WANADAI KUWA SARAFU DHAIFU INAPANDISHA BEI ZA BIDHAA KUTOKA NJE.

WAKATI HUO HUO WANASEMA HAWAWEZI KUSHINDANA NA WAFANYA BIASHARA WA KICHINA WALIOMIMINA BIDHAA ZAO KWA WINGI NA KWA BEI RAHISI.

MGOMO WAO WA SIKU MBILI NI TUKIO LA HIVI SASA KATIKA MFULULIZO WA MAANDAMANO YA KUPINGA KUPANDA KWA GHARAMA ZA MAISHA NCHINI UGANDA.

POLISI WA KUZUIA FUJO WALIKUWA MITAANI KULINDA DORIA KATIKA MJI WA KAMPALA, KUZUIA UWEZEKANO WA KUZUKA GHASIA.

MSEMAJI WA SHIRIKA LA WAFANYABIASHARA LA JIJI LA KAMPALA, ISSA SEKITO AMESEMA KUA WAMEFUNGA MADUKA YAO KUISHINIKIZA SERIKALI ISHUGHULIKIE MASAIBU YAO.

BWANA SEKITO AMESEMA KUA SHIRIKA LAKE LIMEITAKA SERIKALI USHUGHIKIE BIASHARA ZA WACHINA AMBAO WAMEZIDSHA KUJIIMARISHA NCHINI UGANDA.

SHILINGI YA UGANDA ILIDONDOKA KUFIKIA KIWANGO CHA CHINI DHIDI YA DOLA YA MAREKANI MWEZI ULIOPITA HADI BENKI KUU ILIPOINGILIA KATI KUJARIBU KUIIMARISHA.

SHIRIKA LA HABARI LA REUTERS LIMEARIFU KUWA 'MGOMO HUO UMESABABISHA BEI YA BIDHAA KAMA SUKARI NA CHUMVI KUPANDA NCHINI HUMO''.

GAZETI LA KISERIKALI LA NEW VISION LIMEARIFU KUWA WAZIRI WA BIASHARA NA VIWANDA,BI.AMELIA KYAMBADDE ALIKUTANA NA WAFANYABIASHARA KWA MDA WA SAA SITA.

WAZIRI HUYO ALIWASILISHA UJUMBE KUTOKA KWA RAIS MUSEVENI AKIWAHIMIZA WASIMAMISHE MGOMO WAO, KWA MUJIBU WA GAZETI HILO.

WAFANYABIASHARA, HATA HIVYO WALISEMA HAWATOFUNGUA MADUKA YAO NA KWAMBA MGOMO WAO UTAENDELEA HATA SIKU YA LEO ALHAMISI.

WADADISI WANASEMA KUWA MGOMO WAO NI ISHARA YA HIVI KARIBUNI INAYOONYESHA HALI YA ONGEZEKO LA KUTORIDHIA KWA WANANCHI KWA SERIKALI YA NCHI.

MNAMO MWEZI APRILI, VYAMA VYA UPINZANI VILIANZISHA MAANDAMANO YA KUSUSIA USAFIRI WA UMMA NA KUTEMBEA KWENDA KAZINI, KAMA ISHARA YA KUITAKA SERIKALI ITAMBUE UKWELI WA KUPANDA KWA GHARAMA ZA MAISHA.