MBWA AGOMA KUACHIA JENEZA LA MWANAJESHI

Mbwa wa mwanajeshi wa Marekani aliyeuliwa nchini Afghanistan alionyesha mapenzi yake kwa kugoma kuliachia jeneza la mmiliki wake ambaye alikuwa akiagwa mbele ya watu.
Mwanajeshi , Jon Tumilson mwenye umri wa miaka 35, alikuwa mwanajeshi wa Marekani toka kikosi cha SEAL ambacho wanajeshi wake ndio waliomvamia na kumuua Osama bin Laden, Jon alikuwa miongoni mwa wanajeshi 30 waliouliwa baada ya ndege yao ya kijeshi kutunguliwa wakati walipoenda kuvamia makazi ya kiongozi wa Taliban. Mazishi ya Jon yalifanyika Rockford, Iowa na kuhudhuriwa na jumla ya watu 1500. Tukio lililowagusa wengi ni kitendo cha mbwa wa Jon kwenda mbele ya jeneza na kujilaza mbele yake na kukaa hapo kwa muda wote wa sala za maombi.