CHAJA YA SIMU YATOLEWA KICHWANI KWA MTOTO CHINA

CHAJA YA SIMU YATOLEWA KICHWANI KWA MTOTO CHINA

Madaktari nchini China wamefanikiwa kuokoa maisha ya mtoto wa mwaka mmoja ambaye alianguka kutoka kitandani na kuangukia kwenye chaja ya simu iliyozama kwenye fuvu la kichwa chake kisogoni



Mtoto huyo mwenye umri wa mwaka mmoja aliwahishwa hospitali kwenye mji wa Qingyuan katika jimbo la Guangdong baada ya mama yake kumkuta akiwa amelala chari chini huku chaja ya simu ikiwa imezama kwenye kichwa chake.

Mtoto huyo alidondoka toka kitandani na kuangukia juu ya chaja ya simu ambayo ilikuwa pembeni ya kitanda.

"Baada ya kufanyiwa CT scan, chaja ya simu ilionekana imezama kwenye sehemu ya nyuma ya kichwa chake", alisema Dokta Li Guofeng ambaye pia mkurugenzi wa hospitali hiyo.

Madaktari walitumia masaa matatu kulifunua fuvu lake na kuindoa chaja hiyo.

"Mtoto huyu angefariki ndani ya sekunde chache kama mishipa ya damu kwenye ubongo wake ingepasuka", alisema daktari Li Guofeng.