RC MWANZA KUWAONGOZA WANANCHI KUFANYA USAFI KESHO

 

-baadhi ya wajumbe wakifuatilia kwa makini mkutano huo.

 

-mkuu wa wilaya ya nyamagana Baraka Konisaga akizungumza na wajumbe

                                -mkurugenzi mtendaji wa mwauwasa Bwn:Anthon Sanga

                                 -Mstahiki meya wa jiji la mwanza Bwn:Stanslaus Mabula


 NA:Mv.JACKTAN

MKUU WA MKOA WA MWANZA BWN: MAGESA MLONGO PAMOJA NA VIONGOZI WENGINE WANATARAJIA KUWAONGOZA WANANCHI WOTE JIJINI MWANZA KUSHIRIKI KWA PAMIOJA KESHO KATIKA ZOEZI LA USAFI LITAKALOANZA MAJIRA YA SAA 12 HADI SAA 3 ASUBUHI IKIWA NI NJIA YA KUENDELEA KULIWEKA JIJI HILO SAFI.

HAYO YAMESEMWA NA MKUU WA WILAYA YA NYAMAGANA BWN:BARAKA KONISAGA KATIKA KIKAO KILICHOWAKUTANISHA VIONGOZI WA SERIKALI ZA MITAA MADIWANI PAMOJA NA MACHINGA  KWA LENGO LA KUWAKUMBUSHA KUHUSU SIKU HIYO MUHIMU.

BWN: KONISAGA AMESEMA WANANCHI WOTE WA JIJI LA MWANZA WANATAKIWA KUSHIRIKI KATIKA ZOEZI HILO KUANZIA MAJIRA YA SAA12 ASUBUHI HADI SAA 3 ASUBUHI KATIKA MAENEO WALIYOPO AMBAPO KATIKA MAENEO YA KATIKATI MWA JIJI ZOEZI HILO LITAONGOZWA NA MKUU MPYA WA MOA WA MWANZA MAGESA MLONGO AMBAYE HAJAWAHI KUSHIRIKI ZOEZI HILO AMBALO NI ENDELEVU TANGU AANZE KAZI JIJINI MWANZA.

"NA NITOE RAI KWA VYOMBO VYA USAFIRI IKIWEMO DALADALA NA BODABODA KUSITISHA SHUGULI ZAO KESHO ASUBUHI NA KUSHIRIKI KWA PAMOJA KATIKA ZOEZI HILO..,UNAMSAFIRISHA NANI WAKATI WANANCHI WOTE WAKO KWENYE USAFI JAMBO HILI LINAWAHUSISHA WANANCHI WOTE ISIPOKUWA WENYE SABABU MAALUM" ALISEMA KONISAGA

AIDHA MSTAHIKI MEYA WA JIJI LA MWANZA BWN:STANSLAUS MABULA AMEWATAKA WANANCHI KUJISIMAMIA WENYEWE KATIKA KUTUNZA MAZINGIRA AMBAPO AMESEMA MIKAKATI INAENDELEA KUWEKWA ILI KUWAKAMATA WANAOCHAFUA MAZINGIRA KWA MAKUSUDI

 "YAKO MAKUNDI MAALUMU YA KIJAMII TUNAYOFIKILIA KUYAPATIA HII KAZI,TUNAZUNGUMZA NA MACHINGA KUHAKIKISHA WANASIMAMIA JUKUMU LA USAFI..,TUTAWEKA WATU MAALUM KUHAKIKISHA WANAFATIA NA KUWAKAMATA WATU WANAO TUPA TAKA OVYO NI MARUFUKU KUTUPA TAKA AINA YOYOTE UKIWA NAYO MKONONI JITAHIDI KUHIFADHI TAKA YAKO NA UTAITUPA UTAPOKUTA CHOMBO CHA KUWEKA TAKA" ALISEMA MABULA

NAYE MKURUGENZI MTENDAJI WA MAMLAKA YA MAJISAFI NA USAFI WA MAZINGIRA JIJINI MWANZA(MWAUWASA) ENG:ANTHON SANGA AMESEMA KATIKA KUADHIMISHA WIKI YA MAJI AMBAYO KILELE CHAKE NI 22/3/2015 MWAUWASA ITAKUTANA NA VIONGOZI WA SERIKALI YA MTAA KESHO IDARA YA MAJI CAPRIPOINT KWAAJILI YA KUWAPA MIKAKATI MBALIMBALI YA UHIFADHI WA VYANZO VYA MAJI PAMOJA NA UTUMZAJI WA MZINGIRA ILI WAKAWAELIMISHE WANANCHI.

KWA UPANDE WAO BAADHI YA WAJUMBE WA MKUTANO HUO BWN:RICHARD DANIEL KAJUNA MWENYEKITI WA MTAA WA UNGUJA WILAYANI NYAMAGANA  PAMOJA NAYE  SAIDI TEMBO MWENYEKITI WA CHAMA CHA MACHINGA JIJINI MWANZA WAKIZUNGUMZA NA KWA NEEMA FM RADIO WAMEKIRI HALI MBAYA YA UCHAFU  KATIKA MAENEO YAO AMBAPO WAMEWATAKA WANANCHI WOTE KUSHIRIKI KIKAMILIFU KATIKA ZOEZI HILO.

ITAKUMBUKWA KUWA JIJI LA MWANZA LINAONGOZA MARA 9 MFULULIZO KWA KUWA JIJI SAFI ZAIDI NCHINI AMBAPO KUMEKUWA NA KAWAIDA YA WANANCHI WOTE KUFANYA USAFI JUMAMOSI MOJA YA KILA MWEZI KUANZIA MAJIRA YA SAA 12 HADI SAA 3 ASUBUHI AMBAPO ZOEZI HILO LILIKUWA LIMESITISHWA KWA TAKRIBANI MIEZI MITATU NA SASA LIMEREJEA RASMI