ARSENAL WANUSURIKA OLD TRAFFORD,ENGLAND YATUMIA TEKNOLOJIA YA VIDEO KWA SIRI MECHI ZA LIGI KUU

Karibu uweze kusoma habari mbalimbali za michezo zilitokea katika juma lililoisha ambazo huwa zinarushwa na kituo cha redio cha 98.1 kwaneema fm kila jumapili kuanzia saa tisa alasiri kwenye kipindi cha MICHEZO JUMA HILI

VARS: ENGLAND YATUMIA TEKNOLOJIA YA VIDEO KWA SIRI MECHI ZA LIGI KUU

IMEBAINIKA kuwa Ligi Kuu England imekuwa ikifanya Majaribio ya siri ya matumizi ya Video kwenye baadhi ya Mechi zake ili kusaidia Marefa kwenye maamuzi yao wakati wa Mechi.

Mfumo wa Video kusaidia maamuzi ya Marefa Uwanjani, VARs [Video Assistant Referes] umefanyiwa Majaribio rasmi ya FIFA kwa mara ya kwanza katika Mechi ya Kimataifa hapo Septemba 1 wakati Italy ikicheza na France huko Bari.

Kwenye Mfumo huo wa Video, Refa Msaidizi anakuwepo pembeni mwa Uwanja na anakuwa na Mawasiliano na Refa wa Mechi wakati wote wa Mechi hiyo akipitia Video bila kusitisha Mechi.

Ikiwa litatokea tukio ambalo Refa Msaidizi ameliona atamtonya Refa wa Mechi ambae ana ruksa ya kuukubali ushauri huo au au akaamua mwenyewe kwenda pembeni kutizama na kuliptia tukio na kutoa uamuzi wake.

Ama Refa huyo anaweza kumuomba Refa Msaidizi kulipitia tukio ili ampe ushauri.

VARs imekuwa ikitumika kwa Majaribio huko USA kwenye Ligi Daraja la 3 na sasa FIFA, ikishirikiana na IFAB, ambacho ndicho chombo pekee kinachoweza kubadili Sheria za Soka, vimeafiki Majaribio hayo na sasa yameingia hatua mpya ya Majaribio kwenye Mechi za Kimataifa.

Hivi sasa, kwenye Soka, inatumika Teknloji ya Kuamua kama Mpira umevuka Mstari wa Goli, GLT [Goal Line Technology] ambayo humsaidia Refa kuamua kama ni Goli au si Goli.

England bado haijasaini rasmi kutumia Majaribio ya Teknolojia hii ya VARs.
Lakini Mkuu wa Chombo cha Marefa huko, Professional Game Match Officials Ltd [PMGO], Mike Riley, amekiri Teknolojia hiyo itasaidia Marefa kutoa maamuzi sahihi bila kutibua mtiririko wa Mechi.

Mkuu huyo ametoboa kuwa Majaribio yamefanyika katika Mechi 12 za Ligi Kuu England bila kueleza ni zipi.

Juzi jumanne, Italy na Germany zilicheza Mechi ya Kirafiki na VARS kutumika ambapo matukio matatu yaliamuliwa ikiwepo moja la kufuta Bao la Ofsaidi.

Mengine Mawili yalikuwa ya Kiungo wa Manchester City Ilkay Gundogan kuhadaa kwa kujidondosha makusudi kwenye Boksi wakati anakabwa na Matteo Darmian Beki wa Man united na kulambwa Kadi ya Njano.

ARSENAL WANUSURIKA OLD TRAFFORD, REKODI YA MOURINHO KWA WENGER YADUMU!

 

ARSENAL Leo huko Old Trafford wamesawazisha Bao Dakika ya 89 na kupata Droo ya 1-1 walipocheza na Manchester United kwenye Mechi ya EPL, Ligi Kuu England.

Matoke ohayo yameendelea kudumisha Rekodi ya Meneja wa Man United Jose Mourinho ya kutofungwa na Arsene Wenger Meneja wa Arsenal katika Mechi 16 za EPL, Rekodi ambayo alianzia nayo akiwa na Chelsea na ilikuwa mara ya kwanza kuvaana tangu Mourinho awe Meneja Mpya wa Manchester United.

Hadi Mapumziko kwenye Mechi hii Bao zilikuwa 0-0 ingawa Man United walitawala na Mourinho kughadhabika baada ya Refa Andre Marriner kuwanyima Penati wakati Nacho
Monreal alipomwangusha Antonio Valencia ndani ya Boksi.

++++++++++++++++++++++++
JE WAJUA?
-Mourinho na Wenger washapambana mara 15 kwenye Ligi Kuu England na Wenger hajashinda hata Mechi 1.
-Mourinho, akiwa na Chelsea, ameibuka Mshindi mara 8 na Sare 7.
-Mara pekee kwa Wenger kumbwaga Mourinho ni Agosti 2015 kwenye Mechi ya kugombea Ngao ya Jamii.

++++++++++++++++++++++++
Man United ndio waliofunga Bao mbele katika Dakika ya 68 baada ya Juan Mata kuifagia wavuni Krosi ya Herrera.

Arsenal walisawazisha Dakika ya 89 kwa Kichwa cha Olivier Giroud alietokea Benchi alipounganisha Krosi ya Oxlade-Chamberlain.
++++++++++++++++++++++++
JE WAJUA?
-Tangu Ligi Kuu England ianzishwe Msimu wa 1992/3, Arsenal wameshinda mara 3 tu Old Trafford katika Mechi 24.
++++++++++++++++++++++++
VIKOSI:
Manchester United: de Gea, Valencia, Jones, Rojo, Darmian, Carrick, Herrera, Mata, Pogba, Martial, Rashford.
Akiba: Depay, Rooney, Lingard, Blind, Young, Romero, Schneiderlin.
Arsenal: Cech, Jenkinson, Mustafi, Koscielny, Monreal, Coquelin, Elneny, Walcott, Ozil, Ramsey, Sanchez.
Akiba: Gibbs, Gabriel, Giroud, Ospina, Oxlade-Chamberlain, Iwobi, Xhaka.
REFA: Andre Marrine